Defender го зграпчува невозможното. Наменски дизајниран, многу посакуван и сериозно издржлив, тој е модерен херој што го почитува своето минато но во исто време ја предвидува иднината.
Првото успешно цивилно 4х4 возило во светот, дефинира свет на којшто му помогна да се промени - отворајќи нови хоризонти за авантура, работа и хуманитарна акција на секој континент.
Defender патува и по нашиот културен пејзаж. Го носеше кралското семејство на турнеи ширум светот и беше во средиштето на акцијата со некои од најголемите филмски ѕвезди.
Сето ова го овозможија две лица - браќата визионери Вилкс. Спенсер Вилкс беше генерален директор на Rover Company, а Морис беше главен инженер којшто секогаш гледаше напред.
Приказната Defender почна во 1947 година во Ред Варф Беј, на островот Ангелси во Велс. Морис Вилкс во песокот ги нацрта контурите на тоа што ќе стане едно од најголемите возила.
За една година завршениот Land Rover беше претставен пред светот. Како уникатно дело на индустрискиот дизајн, беше проектиран за да биде способен со лесни алуминиумски плочи, многу кратки препусти и што е најважно со погон на четири тркала што може да се избира.
Кај сите, освен кај најраните модели, рачките со црвени и жолти копчиња на трансмисијата ја сведоа промената помеѓу погонот две и четири тркала во едноставна постапка што функционираше во каква било ситуација. Ова е претходник на уникатниот систем Теренска реакција кај денешниот Defender.
За неколку месеци креацијата на Вилкс беше на продажба ширум светот. Наскоро почна да патува со британското кралско семејство. Првиот State Review Land Rover, со својата посебно дизајнирана задна платформа, се користеше за време на првата турнеја на Принцот Филип околу Комонвелтот во 1953 година за да можат Кралицата Елизабета II и Војводата од Единбург до го поздрават насобраниот народ.
Во текот на нејзиниот долг живот, Кралицата Елизабета II често беше видена зад воланот на Defender на кралските имоти, каде што Defender продолжува да служи во кралското домаќинство.
Возилото исто така ќе поттикне нов вид на авантурист да се справува со секаков терен на планетата. Денес легендарната експедиција Оксфорд и Кембриџ Далечниот Исток ги наполни насловните страници кога шест универзитетски студенти возеа 18.000 милји (29.000 km) од Лондон до Сингапур во 1955-56 година.
Со слична инспирација, Британците Џорџ и Џинкс Роџер поминаа 10.000 милји (16.000 km) во текот на седум години во нивниот караван, правејќи хроника за загрозените племиња и дивиот свет во Африка. Канадскиот биолог Бристол Фостер и уметникот на див свет Роберт Бејтмен тргнаа на пат долг 40.000 милји (64.000 km) околу светот. Има уште многу примери.
Ваквите подвизи помогнаа да се создаде сцена за рекреативнo теренско возење. Учесниците во Камел Трофи - нешто како светски шампионат во 4х4 - ја инспирираа креацијата на совршената повеќенаменска алатка за најтешката од експедициите или едноставно за лежерни патувања со кампирање.
Defender го претвори ова во глобален феномен. Останува чувар на пламенот, како олицетворение на авантура, теренско возење и хуманитарност.
Ова беше можно затоа што, покрај сѐ друго, тој беше проектиран да биде способен. Тој сѐ уште е. Секоја верзија оди понапред, поставувајќи стандарди што другите тешко ги следат.
Новите, поголеми меѓуоскини растојанија го прават оригиналот покорисен, овозможувајќи го додавањето на пик-ап и караван варијантите. Караванот ги претстави славните горни прозорци на страничните делови од покривот, внесувајќи повеќе светлина во возилото и дополнителна видливост за совладување кривини од 180 степени на планински патишта.
Моторите станаа помоќни и поефикасни, но тоа сепак првенствено беше функционално возило. Раниот опционален пакет comfort вклучуваше малку повеќе од тапацир на таванот и вратите. Една карактеристика се докажа како безвременска - сѐ уште можете да нарачате Defender со издржливи гумени подни простирки што можат да се перат.
Во неговата прва деценија 70 проценти од производството беше извезено во 150 земји. Ниедно возило порано не остави толку траги од гуми низ светот. За безброј луѓе ширум светот, тоа беше веројатно првиот автомобил што го виделе во животот.
Продажбата ширум светот вклучуваше и армиски верзии, инспирирајќи го името Defender што подоцна ќе се применува на сите варијанти. Многу цивилни модели имаа и херојски подвизи, служејќи како возила за влечење, амбулантни возила и хидраулични платформи.
Defender отиде дури и на рели трките, а експертите за авто-мото спортот во Боулер го претворија во застрашувачка натпреварувачка машина.
Со својата несомнена издржливост, уникатното 4х4 возило стана многу посакувано. Моделот Series II од 1958 година ја издигна визуелната појава, додавајќи заоблување на средната линија што сѐ уште постои кај денешниот Defender.
Таквата појава го однесе на најгламурозните места. Во текот на 60-тите години главните ѕвезди како Мерилин Монро, Стив МекКвин и Пол МекКартни се фотографираа со победничката креација на браќата Вилкс.
Модерниот комфор почна да се појавува во моделот Series III од 1971 година па натаму, вклучувајќи тапацирана инструмент табла и група инструменти сместени зад новиот волан. А за оние што бараа поголеми перформанси како за друмско така и за теренско возење достапен беше V8 мотор.
Моделот County од 1982 година беше уште еден знак дека ова 4х4 возило беше повеќе од коњ за товарење. Разубавена надворешност со нови бои со налепници, а во внатрешноста за прв пат се нудеа седишта со мебел штоф.
Една година подоцна верзиите Ninety и One Ten го претставија дизајнот на предниот крај што остана сѐ до крајот на производството на класичниот Defender. Турбо дизел моторот дојде заедно со унапредена внатрешност. Исто така, унапреден беше и комфорот со новото потпирање со завојни пружини.
Името Defender беше претставено во 1990 година. Тоа совршено го отсликуваше тоа што клиентите ширум светот го чувствуваа за ова уникатно возило: докажано, сигурно, робустно и доверливо. Дизајнирано е за да скита по земјата.
Денешниот Defender ја продолжува оваа семејна лоза. Повторно создадената икона е експерт од светска класа за друмско и теренско возење. Најсилниот и најспособниот Defender направен досега е незапирлив и веднаш препознатлив.
Достапен е во изведби на каросеријата 90, 110 и 130, со дури до осум седишта, а секој има своја харизма. Defender Hard Top значи деловност, со изведби на каросеријата 90 и 110 за професионална способност.
Сите беа тестирани во најтешките услови, од Арктикот до пустината. Сите имаат каросерија што е трипати појака од нивните 4х4 ривали.
Издржливоста и одржливоста се дел од визијата на Defender за модерен луксуз според дизајн. Defender 110 е достапен како електричен хибрид.
Отсликувајќи ја својата херојска и харизматична природа, тој продолжува да ја поддржува хуманитарната работа и работата за зачувување со Меѓународната федерација на националните друштва на Црвениот крст и Црвената полумесечина и со фондацијата Таск.
Овековечен е во Лего, инспирирајќи нови генерации ширум светот да станат современи херои. Тој е и филмска ѕвезда.
Обожавателите на Џејмс Бонд ќе го видат моделот Defender 110 SVX Double Cabs во СПЕКТРА, направен да го брка 007 надолу по Алпите. Но, денешниот Defender беше тој што се соочи со најтешкиот тест. Возачите каскадери „нагазија“ флота од моделите 110 до крајни граници во екстремни услови за теренско возење во Не е време за умирање, 25-та авантура на Бонд, за да креира спектакуларна секвенца на брканица со автомобили.
Тоа беше соодветна улога за возило што сега е бренд сам за себе. Defender има електрична визија во својата блиска иднина, но останува тоа што е од 1948 година - светилник на слободата.
УШТЕ ПРИКАЗНИ ЗА DEFENDER
ЖЕНИ ГО ЗГРАПЧУВААТ НЕВОЗМОЖНОТО
СИРЕНА НА АРКТИКОТ
ХУМАНИТАРНИ ПАРТНЕРИ УШТЕ ОД 1954
ИСТРАЖЕТЕ ГО DEFENDER
DEFENDER 130
