ОБЛИКУВАЊЕ НА ИДНИНАТА

Стручноста ја донесе Кери Бејтмен на клучна позиција во проектот на новиот Defender. Главниот инженер за дигитален дизајн беше мост помеѓу дизајнерите и инженерите, поврзувајќи го уникатниот изглед на повторно родената 4х4 легенда со нејзините суштински перформанси и издржливост.

Поттикната од страста за автомобили уште од детството додека ги гледала авто-мото трките со нејзиниот татко, Кери беше горда што работи на едно од најочекуваните нови возила со години. Нејзиното влијание на Defender јасно се гледа - во неговите прекрасно дизајнирани фарови со висока технологија.

Како дизајнер за површини на надворешноста, Кери би можела да работи на сето она што клиентот го гледа или може да го допре на своето возило. За фаровите на Defender тоа значеше надворешните леќи на фарот, трепкачите за правец, основата и капачето на прскалките.

„Тој треба да работи со сите елементи зад него. И секој дел има толеранции. Сите се од различни материјали и имаат различен зјај помеѓу нив.

„Мора да знаете што прави секој дел и да работите со добавувачите за да се уверите дека сето тоа е усогласено, затоа што ако еден дел не се вклопува, нема да одговара и нема да работи“.

Defender ги тестираше креативните вештини на Кери и нејзиниот тим за решавање проблеми, свеста за просторот во 3Д, комуникацијата и посветеноста кон детали. Тимот успеа во напорите секоја компонента да се вклопи и да работи како што треба, а притоа да изгледа како што дизајнерите ја замислиле.

„Секогаш се трудиме да се фокусираме на заштита на намерата на дизајнот и да се држиме што е можно поблиску до тоа“.

Критичарите и клиентите се согласија - Defender е огромен хит уште од своето претставување во 2019 година. Самата појава ѝ е јасна на Кери којашто понекогаш вози Defender при посета на универзитети за да ја охрабри следната генерација на креативци на автомобили.

„Тоа е забавен автомобил. Префинет, но забавен. Овој автомобил може да биде сѐ што ќе посакате и да додадете функција каква што сакате. Овој автомобил може да направи сѐ“.