ПРОЕКТ HERO: LAND ROVER И ЦРВЕНИОТ КРСТ
ПОГЛЕДНЕТЕ ГО ФИЛМОТ

Одделението Special Vehicle Operations (SVO) на Jaguar Land Rover дизајнираше и изработи уникатна верзија на новиот Land Rover Discovery за потребите на Црвениот крст на Австрија. „Проект Hero“ прв пат беше претставен пред светските медиуми на Geneva Motor Show, саемот за автомобили во Женева.


Проект Hero е возило со напредна комуникација, создадено за поддршка на соработката на Jaguar Land Rover со Меѓународната федерација на националните друштва на Црвениот крст и Црвената полумесечина (IFRC), најголемата хуманитарна мрежа во светот. Одделението SVO соработуваше со Црвениот крст на Австрија за да го развие уникатниот Land Rover којшто ќе биде на проба кај нивните тимови за итна реакција. Се надеваме дека ова возило ќе овозможи побрза реакција при несреќи што ќе му помогне на Црвениот крст во спасувањето животи.


Land Rover го поддржува Црвениот крст од 1954 година и обезбеди 120 возила за IFRC за работа во сите краишта на светот. Проект Hero е првото возило со дрон монтиран на покривот. Целосно интегрираниот систем за слетување се карактеризира со технологија за самоцентрирање и магнетно задржување и е прв систем во светот што овозможува дронот да слета на Проект Hero кога возилото е во движење.







Дронот ја унапредува веќе извонредната способност на новиот Discovery. Со дрон во воздухот, сликата во живо може да се пренесува до тимовите за итна реакција на Црвениот крст. Тоа ќе им овозможи побрза и поефикасна реакција во случај на свлечишта, земјотреси, поплави и лавини. Драматичните промени на теренот можат да ги направат мапите неупотребливи со што се зголемуваат опасностите и потешкотиите при пронаоѓање и спасување на преживеаните, така што птичјиот поглед што го обезбедува дронот ќе им овозможи на спасителите да истражуваат опасни ситуации од безбедна далечина.


Џон Едвардс, Директор за специјални операции во Jaguar Land Rover, кажа: „Land Rover и тимот од инженери и дизајнери во SVO се горди што ја поддржуваат неверојатната хуманитарна работа на IFRC и нејзините членови“.


„Новиот Discovery е извонреден SUV за секаков терен, а Проект Hero е оптималната комбинација на унапредена способност и иновативна технологија. Се надеваме дека ќе му помогне на Црвениот крст да спасува животи во вонредни околности“.







Д-р Џемила Махмуд, Генерален потсекретар на IFRC за партнерство, кажа: „Голема благодарност до Land Rover за нивната великодушна поддршка во изминатите 60 години. Горди сме на нашето амбициозно глобално партнерство што ги трансформираше животите на милиони луѓе на четири континенти“.


„Партнерството ги поддржува заедниците ширум светот за да станат посилни кога се соочуваат со природни катастрофи како монсунски ветрови, поплави и земјотреси“.


„Проект Hero го комбинира најдоброто знаење на Црвениот крст и Jaguar Land Rover за да се создаде навистина уникатно возило за коешто се надеваме дека ќе може да направи разлика во операциите за спасување во најсуровите средини“.







Проект Hero се базира на верзијата на новиот Land Rover Discovery со 3.0-литарски TD6 мотор. Покрај уникатната технологија со дрон којашто е вградена во Проект Hero, во задниот дел на ова специјално возило има и:


- Лизгачки под за тешки услови на работа во задниот простор за багаж што може да се отвори како дополнителна работна маса или за заштита на товарот што е сместен под него

- Разделна табла зад задните седишта што обезбедува дополнителни места за поставување на опрема

- Стратегиски позиционирано ЛЕД осветлување за подобра видливост ноќе

- Иновативни приклучни места за напојување што прифаќаат бројни приклучници од разни региони



Во возилото Проект Hero е вградена и радио опрема со повеќе фреквенции што овозможува да се воспостави контакт во разни ситуации


Базата на возилото Проект Hero ќе биде центарот за обука на Црвениот крст на Австрија, во планинската рударска област Ајсенерц и во Виена, во текот на 12 месеци почнувајќи од месец јуни, 2017 година. Дронот ќе се користи во симулации за да се развијат нови и иновативни техники за помош при големи несреќи и во тестови со сценарио за комплексни природни катастрофи, вклучувајќи ноќни тестови и тестови во густи шуми. Возилото Проект Hero ќе се користи и кога Црвениот крст обезбедува итна поддршка при природни катастрофи, како големи снежни врнежи или поплави, или несреќи.

ПРЕЗЕМЕТЕ ЈА БРОШУРАТА
Откријте повеќе за возилата на Land Rover
КОНТАКТИРАЈТЕ НÈ
Контактирајте нè за Land Rover грижа за корисници или општи прашања
ПРОНАЈДЕТЕ ПРОДАВАЧ
Побарајте продавач на Land Rover близу вас
ЗАКАЖЕТЕ ТЕСТ ВОЗЕЊЕ
Искусете Land Rover по ваш избор