Кога ги опишувате швајцарските алпи, зборот „пекол“ (inferno) не е нешто што вообичаено ви паѓа на памет. За оние што знаат што значи, пределот под врвот Шилторн во Мурен, Швајцарија, е местото каде што се одвива Inferno Challenge откако постои во 1928 година. Овој настан е најстарата спуст трка за преживување на скии во светот и, со должина од 15km и висинска разлика од 2km, тоа е една од најдолгите и најпредизвикувачките трки.
Секоја година на оваа трка стартуваат 1800 спортисти, мажи и жени, на коишто оваа година им се придружи еден невообичаен учесник; Range Rover Sport, со главната цел: поставување на рекорд на патеката за најбрзо спуштање по ски патека за спуст во лето.
Познат по својата брзина и оптимални перформанси, и за друмско и за теренско возење, Range Rover Sport беше совршено возило за напад на истата патека во текот на летниот период кога нема снег. Се разбира, еден SUV со високи перформанси како ова возило бара и возач со високи перформанси и тука доаѓа Бен Колинс.
И покрај искуството што го има Бен, локалните жители сепак беа шокирани од неговиот обид да ја помине патеката Inferno Challenge со возило. Кливс Палмер, претседател на ски клубот Кандахар, кажа „Теренот е покриен со камења, попрво би ја поминал оваа патека на скии во зима отколку да ја возам во лето“! Ова се зборовите на ветеран со 30 трки.
Без да се обесхрабри и подготвен за предизвикот, Бен влезе во Range Rover Sport, изменет само со додавањето на кафезот за заштита при превртување, безбедносни ремени на седиштето и засилени пневматици, и тргна на врвот, подготвен да се спушти по патеката Inferno Challenge и да докаже зошто е тоа најдобриот 4х4 SUV за оваа работа.
Лесна работа на тежок терен
Од мраз, камења и чакал, па сè до кал, земја и влажна трева, на патеката Inferno Challenge има сè. И иако тоа изгледа невозможно за повеќето возила, не изгледа така за Range Rover Sport.
Со долгогодишното инженерско знаење на Land Rover во себе и тестиран со сериозни тест програми, брзо докажа дека е создаден за сè. Системот Насочување на вртежниот момент преку кочење совршено ја надополнува моќноста на 5.0-литарскиот V8 мотор со супер полнач, постојано го набљудува аголот на управувачот на возилото и ја намалува моќноста преку активирање на односните кочници за да го задржи возилото на патеката. Возилото ги совлада сите пречки што му ги наметна планината.
„Обично се тркам со автомобили околу места какво што е Ле Ман. Денес сум на надморска висина од 3000 метри“
БЕН КОЛИНС
Човекот против планината
Бидејќи патеката Inferno Challenge наметнува некои од најтешките предизвици на природата, Бен ги искористи бројните системи за помош на возачот до коишто има едноставен пристап. Системот Насочување на вртежниот момент преку кочење се грижи до секое тркало да дојде точниот износ на моќност како и кога тоа е потребно при симнување по надолнина. Системот Теренска реакција 2 со режимот Динамика се активираа за да се осигура дека возилото може брзо да се прилагоди кон постојано променливиот терен под него. Дури и кога водените текови или каменливите брзаци ќе ја заменат цврстата површина, Бен можеше да ја користи поставката Ползење преку карпи за да ја задржи и контролира подвижноста на возилото.
На секакво време
На надморска висина од 2970 метри времето може да биде непредвидливо, најблаго кажано.
На почетокот на предизвикот и на врвот на планината, температурата беше нула степени, што значи дека Бен и возилото веднаш наидоа на мраз и лапавица, додека се спуштаа надолу по стрмната падината со степен на наклон до 60 проценти .
Но тоа не заврши тука, на почетокот на надолнината; всушност, спуштајќи се кон долината Каноненрор, маглата и ниските облачиња придонесоа за слабата видливост, а дождот го намали зафатот на тркалата со површината на веќе тешката патека, додека температурите пораснаа на поповолните 18 степени.
Постигнување со стил
Бен Колинс ја помина патеката за 21 минута и 36 секунди и докажа дека Range Rover Sport не само што ја има способноста по којашто е познат Land Rover, туку може ладнокрвно да се справи дури и со најекстремните предизвици. Возилото со својот мускулест став делуваше импресивно во текот на предизвикот и благодарение на луксузната внатрешност Бен ја постигна својата цел во прав Range Rover стил.
Пребарајте во #DrivenChallenges за да го истражите предизвикот подетално.
RANGE ROVER SPORT
ОТКРИЈТЕ ГО НАЈАГИЛНИОТ И НАЈДИНАМИЧНИОТ LAND ROVER
ДЕМОНСТРАЦИЈА НА СИЛНИТЕ СТРАНИ
СЕКОГАШ ВОЗБУДУВА
ИСТРАЖЕТЕ НОВИ ХОРИЗОНТИ
ПОВЕЌЕ ПРИКАЗНИ
ДИЗАЈНОТ И ЛУКСУЗОТ ОДАТ ЗАЕДНО
ЛОНДОН ЈА СЛАВИ АВТОМОБИЛСКАТА ИКОНА
