Заштитете го Вашето возило со нашата услуга Secure Tracker

Истражете ја секцијата За сопствениците

СИСТЕМИ ЗА ИНФОЗАБАВА

SECURE TRACKER И SECURE TRACKER PRO

ЗАШТИТЕТЕ ГО ВАШЕТО ВОЗИЛО СО ДОВЕРБА

Без оглед дали сте во близина или со километри далеку, Secure Tracker ја нуди сигурноста дека Вашето возило секогаш е заштитено. Ако некој го помести Вашиот Land Rover незаконски, Secure Tracker¹ и Secure Tracker Pro¹ Ве држат еден чекор понапред. На апликацијата Remote е достапен и директен број до центарот за следење на украдено возило наменет за тој пазар.

SECURE TRACKER

ЗНАК ЗА ТРЕВОГА ПРИ КРАЖБА

Ако со Вашето возило се манипулира неовластено или е украдено, нашиот наменски центар за следење на украдено возило веднаш добива знак за тревога. Исто така, ќе добиете известување преку апликацијата Remote и СМС порака. За дополнителна заштита, сите функции на апликацијата Remote привремено ќе бидат оневозможени во текот на инцидентот.

МЕЃУНАРОДНО ПРИЗНАТА СИГУРНОСТ

Secure Tracker е меѓународно признат стандард за систем за следење возила. Оваа престижна акредитација, која често ја бараат осигурителните компании на одредени пазари, го рефлектира највисокото ниво на сигурност и доверливост во автомобилската индустрија.

ВЕ ИНФОРМИРАМЕ ЗА СЛЕДЕЊЕ И ПРОНАОЃАЊЕ

Во случај на кражба, Центарот за следење на украдено возило веднаш ќе Ве контактира за да го потврди инцидентот. По потврдувањето, ќе работиме директно со полицијата, користејќи ГПС следење во реално време и други методи за брзо да го лоцираме и пронајдеме Вашето возило.

Режим guardian (заштитник) во апликација In Control

ЗАШТИТА СО РЕЖИМОТ GUARDIAN (заштитник)²

Предупредувајќи Ве за каква било неовластена интеракција со Вашето возило - дури и ако е отворено со Вашите сопствени клучеви - режимот Guardian (заштитник) Ви помага да се чувствувате безгрижно дома, во ресторан или каде било на друго место во светот. Додадете дополнително ниво на заштита со набљудување на Вашето возило во текот на временски период по Ваш избор.

РЕЖИМ TRANSPORT (ТРАНСПОРТ)³

Ако Вашето возило се транспортира, како на пример на траект или на приколка, тогаш овозможете го режимот Transport (транспорт) од апликацијата Remote или од порталот InControl за да ги избегнете непотребните предупредувања. Откако ќе се вклучи, режимот Transport (транспорт) може да се постави за време до 72 часа.

РЕЖИМ SERVICE (СЕРВИС)³

Режимот Service (сервис) се грижи да ги избегнете непотребните предупредувања кога Вашето возило е кај Вашиот сервисер. Овој режим можете да го активирате за само неколку секунди преку апликацијата Remote или преку порталот InControl. Откако ќе се вклучи, режимот Service (сервис) може да се постави за време до 72 часа.

SECURE TRACKER PRO

АКРЕДИТИРАНА ТЕХНОЛОГИЈА ЗА СИГУРНОСТ

Secure Tracker Pro нуди подобрена сигурност преку акредитирана технологија, исполнувајќи ги строгите стандарди поставени од водечките авторитети во ОК за податоци за автомобилски ризик за согласност со категоријата Thatcham S5.

Во случај на обид за кражба, ќе добиете знак за тревога, а нашиот центар за следење украдено возило ќе добие известување. Потоа локацијата на Вашето возило се споделува со локалната полиција.

Secure Tracker Pro вклучува и секундарна автентикација што е вградена во Вашиот Паметен клуч, додавајќи дополнително ниво на заштита.

УПРАВУВАЈТЕ СО ВАШИОТ INCONTROL

За да имате корист од услугата Secure Tracker, ќе треба да активирате Ваша сметка, да преземете апликација и да управувате со претплатите.

АКТИВИРАЈТЕ СМЕТКА НА INCONTROL

За да ги користите поврзаните услуги на Вашиот Land Rover поставете Ваша сметка на InControl и регистрирајте го Вашето возило преку порталот Land Rover InControl.

АКТИВИРАЈТЕ ВАША СМЕТКА

ПРЕЗЕМЕТЕ ЈА АПЛИКАЦИЈАТА REMOTE

Со апликацијата Remote сигурноста Ви е на дофат на раката, вклучувајќи ги потсетниците за заклучување на возилото и Secure Tracker или Secure Tracker Pro.

ПРЕЗЕМЕТЕ ЗА IOS

ПРЕЗЕМЕТЕ ЗА ANDROID

УПРАВУВАЈТЕ СО ВАШИТЕ ПРЕТПЛАТИ

Ако сте постоечки клиент, проверете дали Вашата претплата на InControl е ажурирана и преземете ги најновите ажурирања на софтверот во апликацијата Remote. Преземањата можат да се закажат до две недели однапред.

УПРАВУВАЊЕ СО ПРЕТПЛАТИ

Опционалните карактеристики и нивната достапност можат да се разликуваат според спецификацијата на возилото (модел и погонски систем) или пак бараат инсталирање на друга опрема за да можат да се вградат. За подетални информации контактирајте го Вашиот локален продавач или конфигурирајте го Вашето возило онлајн.

Возачите треба да ги користат функциите-во-автомобил само кога тоа е безбедно. Возачите мораат да бидат сигурни дека имаат целосна контрола над возилото за сето време.

Само компатибилни паметни телефони.

¹Потребна е претплата за Remote, Secure Tracker или Secure Tracker Pro и сметка на InControl. Услугите Secure Tracker и Secure Tracker Pro треба да се активираат и возилото мора да биде во област со мрежно покривање. За да продолжите да ја користите односната карактеристика по почетниот период за претплата ќе треба да ја обновите претплатата и да ги платите трошоците за обновувањето.

²Во моментов е достапно само на одредени пазари. Режимот Guardian (заштитник) бара интернет врска, сметка на InControl и претплата за Secure Tracker. За да продолжите да ја користите односната карактеристика по почетниот период за претплата ќе треба да ја обновите претплатата и да ги платите трошоците за обновувањето.

³Ако Вашето возило треба да биде во режимот Transport (транспорт) или режимот Service (сервис) подолго од 72 часа, контактирајте го центарот за следење за да побарате помош.