Фондацијата Born Free е на линијата на фронтот за конзервација и благосостојба на дивите животни, и за да дојдеме до таа линија се потпираме на возилата на Land Rover.
Вил Траверс ОВЕ (носител на орденот Офицер од редот на Британското Кралство)
Претседател на Фондацијата Born Free
Историската поврзаност на Land Rover со Фондацијата Born Free започнува во 1966 година со филмот Born Free, класика за светот на дивината. Во овој филм глумеа основачите на фондацијата, Вирџинија Меккена и Бил Траверс. Тогаш, а и денес, условот беше да се потпираат на возилата на Land Rover со коишто ќе стигнат до најоддалечените места во дивината.
Со денешната соработка, Фондацијата Born Free ги користи возилата на Land Rover во Кенија, Етиопија, Индија и Јужна Африка каде што се поддршка во остварувањето на целите на хуманитарната работа на фондацијата. Дополнителна поддршка се обезбедува и за иницијативите за заштита и зачувување на дивите животни во другите делови на Африка и Јужна Азија, со особен фокус кон лавовите и тигрите, додека во Обединетото Кралство, седиштето на фондацијата, Land Rover возилата на Born Free помагаат преку логистичка поддршка во добротворни цели.
Вил Траверс ОВЕ (носител на орденот Офицер од редот на Британското Кралство), претседател на Фондацијата Born Free, кажа: „Фондацијата Born Free е на линијата на фронтот за конзервација и благосостојба на дивите животни, и за да дојдеме до таа линија се потпираме на возилата на Land Rover. Битно е дека не само што можеме да дојдеме до некои навистина предизвикувачки локации, туку и дека можеме успешно да ја изведеме нашата мисија и да се вратиме назад. Безбедноста, сигурноста и постојаноста се најважни“.
