LAND ROVER REBORN

ВОЗИЛА НА LAND ROVER ОД СЕРИЈАТА I ОБНОВЕНИ ВО НИВНИОТ ПОРАНЕШЕН СЈАЈ. ИМАЈТЕ ДЕЛ ОД ИСТОРИЈАТА.

lLiUrmRL7tk
СЕРИЈА I, ГЛАВА II

Уште од првиот ден нашите возила помогнаа во мапирањето на светот, откривајќи територии за коишто никој не знаел дека постојат. Land Rover Reborn ви ја дава шансата да бидете сопственик на еден од нашите оригинални истражувачи - целосно обновениот Land Rover од серијата I.


Ги надминуваме границите за да ги обновиме возилата од оригиналната серија I, внимателно бирани ширум светот за нивна автентичност. Секое класик возило доаѓа со 12-месечна гаранција - и дел од историјата.

ЗАСЕКОГАШ МЛАД: ПРИКАЗНАТА ЗА „CAR ZERO (НУЛТИОТ АВТОМОБИЛ)“

По добриот живот во Квинсленд, нашето изложбено возило, со прекар „Car Zero (нултиот автомобил)“, се врати дома во Солихал. Поголемиот дел од својот живот го мина работејќи на фарма и разбирливо е зошто е во толку лоша состојба. Но духот на серијата I никогаш нема да за`рѓа. Го обновивме „Car zero“ и му го вративме неговиот оригинален сјај, со помош на оригинални техники и сите оригинални процеси за да бидеме сигурни дека приказната за Серијата I е далеку од крајот - приказната само што започна.

ДЕТАЛИТЕ ЈА ПРАВАТ РАЗЛИКАТА

Ниедно возило од Серијата I не е исто - секое живееше различен живот, во различен дел од светот. Програмата Reborn гарантира дека ова не е обична реставрација - без оглед дали се работи за модел од 80“ или 86“, ги задржуваме автентичноста и уникатноста на секое возило.

ИСПИТУВАЊЕ

Пред да почнеме каква било работа, секое возило поминува низ темелно испитување и откриваме точно што треба да се поправи - изведуваме физичка проверка во однос на оригиналните спецификации за изработка.

ПОДГОТОВКА НА КАРОСЕРИЈАТА

Потоа, го расклопуваме возилото и ги обновуваме неговите лимени делови. Повторно, за да се зачува неговиот единствен карактер, лимените делови се бојадисуваат во работилница што е одобрена од страна на Land Rover Classic, во пет оригинални бои од тој период - зелена Light Green, зелена Bronze Green, сина Royal Air Force Blue, сива Dove Grey и црвена Poppy Red.

НАДВОРЕШНОСТ

Отстрануваме, одново ги доработуваме и задржуваме што е можно поголем број на оригинални делови. Ги заменуваме со нови само кога тоа е апсолутно неопходно. Програмата Reborn има за цел да ја продолжи приказната за Серијата I, а не да ја напише одново.

ВНАТРЕШНОСТ

Потоа ја прегледуваме внатрешноста на Серијата I. Го отстрануваме тапацирот од седиштата сè додека не дојдеме до самата рамка на седиштето, а потоа повторно ги тапацираме со материјал од тој период според изборот на клиентот.

МЕХАНИКА

Го вадиме и преработуваме моторот на секое возило од Серијата I во нашиот оддел за погонски системи. Откако неговото легендарно срце повторно ќе почне да чука, нашата 12-месечна (или 12.000 миљи - 19.300km) гаранција од производителот осигурува дека моторот ќе продолжи да работи уште долго време.

ЗАВРШНА ОБРАБОТКА

Од голема важност е да се задржи автентичноста и карактерот на секое возило, дури и во најситните детали. Имајќи го ова на ум, гарантираме дека завршната обработка на сите компоненти е според оригиналната козметичка спецификација на возилото. Откога нашата работа ќе заврши, почнува следната глава од Серијата I…

Land Rover Reborn им дава шанса на нашите клиенти да бидат сопственици на дел од автомобилската историја - целосно фабрички обновен Land Rover од серијата I.

ТИМ ХАНИГ
ДИРЕКТОР ВО JAGUAR LAND ROVER CLASSIC

ПРЕД И ПОТОА
Кликнете за комуникација
Допрете за комуникација
РЕКЛАМИРАЊЕ НА REBORN

Не ги оживеавме само оригиналните возила од Серијата I.

ИМАЈТЕ ДЕЛ ОД ИСТОРИЈАТА

Ако би сакале да ја напишете следната глава од Series I Reborn, јавете се и член од нашиот тим со задоволство ќе ви помогне. Од друга страна, напишете ни неколку зборови и ќе ви се јавиме кога вам ви одговара.

+44(0) 203 601 1255

classic@jaguarlandrover.com