НИЕ ГО ПРАВИМЕ ПОСЕБЕН. ВИЕ ГО ПРАВИТЕ УНИКАТЕН
Ние, одделението Special Vehicle Operations, постоиме за да ги истакнеме главните карактеристики на нашите легендарни возила. Во случајот на Новиот Range Rover SV, тоа значи уште поголем луксуз и уште поголема персонализација.
Со најголема понуда досега, вклучувајќи ги и одржливите алтернативи на кожата, новиот Range Rover SV го отсликува Вашиот карактер, Вашите желби, Вашата визија. Тој е навистина Ваш.
ДИЗАЈНИРАН ОКОЛУ ВАС
Во срцето на карактеристиките што се изработени по мерка во Новиот Range Rover SV е понудата на две опционални внимателно избрани дизајнерски теми за SV внатрешност и надворешност. SV Serenity и SV Intrepid. Овие теми ги носат извонредните бои и материјали во јасно одредени правци, во внатрешноста или на надворешноста.
Двете опционални теми се достапни во верзиите со стандардно или големо меѓуоскино растојание и со богата понуда на моќни и ефикасни мотори, меѓу коишто се префинетиот нов мотор V8 Twin Turbo со моќност од 530PS, плаг-ин хибридниот погонски систем со продолжена автономија и моќност од 510PS и ефикасниот линиски шестцилиндричен Ingenium дизел мотор D350.
ИНСПИРАЦИЈАТА ПРОДОЛЖУВА ВО ВНАТРЕШНОСТА
Овие две чудесни теми за надворешноста можат да се постигнат и во внатрешноста, со посебни палети на бои, фурнири и дизајн на перфорацијата на седиштата. Стандардните опции со една боја Ebony или Perlino се сврзани со комбинацијата од две контрастни бои од напред кон назад со што се создаваат одвоени зони во кабината.
За првпат во возило на SV има одржлива луксузна алтернатива за кожа што е достапна како опција, а се однесува на целата внатрешност.
Во темата за внатрешност SV Serenity, кожата во светлата боја Perlino е во контраст со сината Liberty, зелената Sequoia или темната боја Caraway во предниот дел. Темата за внатрешност SV Intrepid нуди и дизајнерско решение со кожа во една боја, бојата Ebony, со кожа во две бои Rosewood и Ebony или со материјалите без кожа на UltrafabricsTM во сивите бои Cinder и Light Cloud.
КАТЧЕ ЗА РЕЛАКСАЦИЈА
Развојот на нашите решенија за внатрешноста се базираше на комфорот, технологијата и спокојството што би го очекувале од Вашиот дом. Сите модели од SV се достапни со опцијата за нашиот систем за забава на задните седишта што нуди врвно доживување — екрани од 13.1 инч, најголемите во Range Rover — и слушалки со високи перформанси и унапредена острина, ексклузивно кај сите модели од SV.
SV SIGNATURE SUITE
Врвот на дизајнерските решенија за внатрешноста на SV за Range Rover е нашата ексклузувна опција со 4 седишта SV Signature Suite. Оваа опција е достапна е само кај возилата со големо меѓуоскино растојание и нуди врвно
доживување за патниците.
Централно место зазема конзолата што се протега по целата должина од напред кон назад, скриена а по потреба се отвора. Ако Ви притреба, тука е централната клуб масичка со електромоторен погон
изработена од алуминиум, што тивко се издигнува од средишната конзола во едно движење. Држачите за чаши исто така бесшумно се појавуваат од нивниот
фурниран капак кога ќе Ви притребаат.
НАЈЕКСКЛУЗИВНИ МАТЕРИЈАЛИ
За да го изразиме модерниот луксуз избравме завршна обработка од керамика. Чист, а сепак јак материјал, нешто што почесто се гледа во светот на луксузните часовници и накит.
Завршна обработка од керамика ќе видите во деталите и за надворешноста и за внатрешноста на новиот Range Rover SV. На крајната врата е поставен рачно полиран бел керамички знак so црн кружен декоративен елемент на SV. Ова е првпат завршна обработка со керамика да се користи на детали од надворешноста на возило – белег на вистинска оригиналност.
ИЗВОНРЕДНИ НОВИ ЗАВРШНИ ДЕТАЛИ
Богата понуда на дополнителни завршни детали што одговараат на темата што сте ја избрале, без оглед на патот за персонализацијата на Range Rover SV по којшто се движите. Завршни обработки што се специфични за SV се гравирана керамика, завршни детали од природно дрво со влошки од мозаички фурнир или метал, па дури и од анодиран метал или мрежеста ткаенина.
Овие елементи се поставени насекаде во внатрешноста, на централната конзола, инструмент таблата и вратите. Иновацијата во материјалите и технологиите е двигател на нашиот развој за да се добие вистинска модерна интерпретација на мајсторската рачна изработка.
УНИКАТНО ВАШ
За врвно изразување на Вашиот карактер, Новиот Range Rover SV може дополнително да се персонализира со богатата понуда на бои од SV Besopke.
*Достапен од средината на 2022 година