Персонализирајте го Вашиот Range Rover со SV Bespoke

ИСТРАЖЕТЕ ГО SV

SV BESPOKE

НИЕ ГО ПРАВИМЕ СПЕЦИЈАЛЕН. ВИЕ ГО ПРАВИТЕ УНИКАТЕН.

Еден од единствените. Креиран во четири очи.

Единствено ремек-дело обликувано од Вас, под водство на нашите експерти за дизајн.

ВАШИОТ ПРОСТОР ЗА КРЕИРАЊЕ

Опкружување што ја храни Вашата креативност. Зачекорете во едно од нашите инспиративни студија за дизајн - катче каде што мајсторската изработка и визијата се заедно.

Откако ќе се одлучите помеѓу изработка на Range Rover или Range Rover Sport, посветен експерт на SV Bespoke ќе Ве води низ секој чекор, целосно задлабочувајќи Ве во креативниот процес. Ќе ги видите боите со свои очи, ќе ја почувствувате суптилната нежност на висококвалитетните кожи или смирувачката свежина на завршните детали од керамика со свои раце и ќе внесете живот во Вашата креација.

Ова е подеднакво како за патувањето така и за дестинацијата.

НАРАЧАЈТЕ ГО ВАШИОТ

Студија со неверојатна прецизност.

НАРАЧАЈТЕ ГО ВАШИОТ

ПОТПИС. НЕ ПРИМЕРОК.

Вкус на тоа што доаѓа. Краток поглед на ексклузивни нијанси, раскошни материјали и прецизни детали што се достапни за клиентите на SV Bespoke.

ЕЛЕМЕНТИТЕ НА ИЗРАЗУВАЊЕ

Секое заоблување, секој завршен елемент и секој нагласен детаљ е уметност. Ремек-дело кое не само што се движи низ светот, туку и го менува начинот на којшто светот го гледа.

ПОКАЖЕТЕ ГИ ВАШИТЕ ВИСТИНСКИ БОИ

Прегледајте ја богатата понуда на впечатливи нијанси од палетата на SV Bespoke, вклучувајќи ги ексклузивните бои и завршни обработки.

Или дефинирајте ја Вашата препознатлива нијанса - ништо не е забрането. Без оглед дали инспирацијата ја црпите од омиленото цвеќе или некој скапоцен предмет, нашата услуга за целосен избор според изложен примерок Match to Sample значи дека можете да ни донесете каков било примерок од Вашата омилена боја и ние ќе го реплицираме без никаков компромис.

ПОСЕБНИ ТОЧКИ

Нурнете подлабоко во Вашиот свет на можности. Инспирацијата продолжува со избор на нагласени детали на надворешноста и натписи на извонредни материјали и бои. За покривот избирајте помеѓу панорамско стакло и контрастни завршни обработки. Привлекувајте ги погледите на раскрсниците со смелите нагласени детали. Истакнете се со натписот на издигнатата хауба со бројни завршни обработки.

ИЗЛЕЗЕТЕ ОД СТЕРЕОТИПИТЕ

Изберете од низата смели бои за шепи на кочниците што ќе се гледаат зад краците на совршените тркала. Прецизно дизајнирани, достапни во бројни ексклузивни завршни обработки на SV Bespoke. Изберете ги тркалата од легура што навистина Ве мотивираат.

ИНСПИРАЦИЈА ОД ВНАТРЕ

Кабина ослободена од ограничувања. Опкружете се со комфор и квалитет, приспособени токму по Вашите вкусови.

Секој шев, фурнир, и завршен детаљ е прецизно полиран од мајстори коишто разбираат дека луксузот лежи во деталите. Од рачно полирани дрвени површини до богати кожи и метални детали по мерка, секој елемент раскажува приказна — Вашата.

ПРЕФИНЕТА ПАЛЕТА

Дефинирајте ја атмосферата во внатрешноста. За седиштата, декоративните површини и тапацирот на таванот можете да комбинирате разни нијанси од широката палета на бои за луксузни кожи и одржливи материјали без кожа.

Направете контраст со 1.200 комбинации од две бои, или изберете нијанса на софистцираност со 210 еднобојни теми, креирајќи ја совршената почетна точка за колоритот во внатрешноста.

РАЗЛИКА ВО МАТЕРИЈАЛИ

Градете врз темелите што ги креиравте и почнете да ги усовршувате деталите во внатрешноста, комбинирајќи различни материјали, бои и завршни обработки.

Прецизни перфорации за седиштата, прошивање и контрастна кожа и ексклузивни текстилни материјали 3D knit. Допирни точки од полиран метал или керамика опкружени со мозаички фурнири. Дополнителни комбинации од бои, како оние на воланот или централната конзола. Дозволете текстурата да ја раскаже Вашата приказна.

ВАШ. ВИСТИНСКИ.

Индивидуалност вткаена насекаде. Изберете од повеќе од 100 контрастни комбинации на шевови за да ја нагласите целосната естетика што сте ја креирале.

Ставете свој печат со везени декорации на наслоните за глава, со врежан или ласерски гравиран Ваш дизајн на персонализираните плочки на праговите, централната конзола и тапацирот на вратите.